Հայաստանի Պաշտպանության նախարարի այցը Ղազախստան

25 հունվարի, 2024

Ս․թ․ հունվարի 23-24 կայացել է Հայաստանի Հանրապետության պաշտպանության նախարար Սուրեն Պապիկյանի պաշտոնական այցը Ղազախստանի Հանրապետություն։

Այցի ծրագիրը մեկնարկել է Աստանայում Հայրենիքի Պաշտպանների հուշահամալիր («Отан қорғаушылар») այցելությունից, որտեղ նախարար Ս․Պապիկյանը ծաղիկներ է զետեղել Հավերժ կրակին։

Հայաստանի և Ղազախստանի պաշտպանական գերատեսչությունների ղեկավարների հանդիպմանն ընդառաջ Պաշտպանության նախարարությունում շարվել է Պատվո պահակախումբ։ Դիմավորման հանդիսավոր արարողության ավարտից հետո կայացել է Հայաստանի Պաշտպանության նախարար Սուրեն Պապիկյանի և Ղազախստանի Պաշտպանության նախարար, գեներալ-գնդապետ Ռուսլան Ժակսիլիկովի հանդիպումը, որի ընթացքում քննարկվել են պաշտպանական ոլորտում հայ-ղազախստանյան համագործակցությանն առնչվող, ինչպես նաև փոխադարձ հետաքրքրություն ներկայացնող այլ հարցեր։ Հանդիպման արդյունքներով, որը հաստատեց երկկողմ հարաբերությունների առաջմղման մեծ ներուժի առկայությունը, պայմանավորվածություն է ձեռք բերվել փոխգործակցության հետագա զարգացման մասով, ինչպես նաև ստորագրվել է 2024թ․ միջգերատեսչական համագործակցության ծրագիրը, որը նախատեսում է մի շարք միջոցառումների անցկացում թե՛ Հայաստանում, թե՛ Ղազախստանում։

Նույն օրը նախարար Ս․Պապիկյանն այցելել է Ղազախստանի Հանրապետության Պաշտպանության ազգային համալսարան, որտեղ ծանոթացել է կրթական մի շարք ծրագրերի։

Ս․թ․ հունվարի 24-ին Ակմոլինսկի մարզի Շուչինսկ քաղաքում նախարար Ս․Պապիկյանն այցելել է Ղազախստանի Հանրապետության Պաշտպանության նախարարության Շ․Ուալիխանովի անվան Ռազմական քոլեջ, որը մասնագիտանում է Ղազախստանի Զինված Ուժերի և այլ ուժային կառույցների համար պրոֆեսիոնալ սերժանտների պատրաստության ոլորտում։ Պայմանավորվածություն է ձեռք բերվել Հայաստանի Հանրապետության Պաշտպանության նախարարության Սերժանտների պատրաստության Կենտրոնի և նշյալ Ռազմական քոլեջի միջև համագործակցության զարգացման վերաբերյալ։

Հանդիպման վերաբերյալ տեղեկատվությունը հասանելի է հետևյալ հղումներով՝

https://mil.am/hy/news/11952, https://mil.am/ru/news/11952, https://mil.am/ru/news/11952, https://mil.am/hy/news/11953, https://mil.am/ru/news/11953, https://www.gov.kz/memleket/entities/mod/press/news/details/691121?lang=ru

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր