Ղազախստանի արտաքին քաղաքական գերատեսչության ղեկավարի այցը Հայաստան

19 մարտի, 2024

Ս․թ․ մարտի 17-18-ին՝ Հայաստանի Հանրապետության արտաքին գործերի նախարար Արարատ Միրզոյանի հրավերով Ղազախստանի Հանրապետության փոխվարչապետ – արտաքին գործերի նախարար Մուրատ Նուրտլեուն աշխատանքային այց է կատարել Հայաստան։

Բանակցությունների ընթացքում Հայաստանի և Ղազախստանի արտաքին քաղաքական գերատեսչությունների ղեկավարները կառուցողական ոգով հանգամանալից դիտարկել են քաղաքական, առևտրատնտեսական և մշակութային-հումանիտար փոխգործակցության առաջնային ուղղություններով երկկողմ համագործակցության հարցերի լայն շրջանակ։ Մտքեր են փոխանակվել տարածաշրջանային և միջազգային օրակարգի արդիական հարցերի շուրջ։

Իր ողջույնի խոսքում նախարար Ա․Միրզոյանն ընդգծել է, որ նախարար Մ․Նուրտլեուի՝ Հայաստանի Հանրապետության և Ղազախստանի Հանրապետության միջև «Բարեկամության և համագործակցության մասին» պայմանագրի ստորագրման 25-րդ տարելիցին ընդառաջ կարած երկկողմ այցը լավ հնարավորություն է ընձեռում ձևավորել հետագա գործընկերության ուղենիշները՝ նոր էջ բացելով Ղազախստանի հետ Հայաստանի հարաբերություններում։

Իր հերթին՝ նախարար Մ․Նուրտլեուն, նշելով, որ «Հայաստանը հանդիսանում է մտերիմ պետություն և Ղազախստանի՝ ժամանակով ստուգված գործընկեր», ընդգծել է «հանուն երկու պետությունների ժողովուրդների բարօրության և բարգավաճման ընդհանուր նպատակների ամրագրման համարվ ջանքեր գործադրելու» պատրաստակամությունը։

Նախարարների առանձնազրույցի և պատվիրակությունների մասնակցությամբ կայացած հանդիպումների ընթացքում վերահաստատվել է նպատակաուղղվածությունը բարեկամության, փոխադարձ հարգանքի և գործընկերության հիմքի վրա միջպետական փոխգործակցության հետագա խորացման մասով։ Ընդգծվել է բարձր և բարձրագույն մակարդակներում քաղաքական երկխոսության ամրապնդման կարևորությունը։ Նախարարներն առանձնահատուկ ուշադրություն են դարձրել առևտրատնտեսական ոլորտում առկա ներուժի, ինչպես նաև երկու կողմերի համար առանցքային նշանակություն ունեցող տրանսպորտային-տարանցիկ բնագավառում նոր հնարավորությունների իրագործման հարցին։ Հումանիտար ոլորտում համագործակցության դրական դինամիկայի ֆոնին ընդգծվել է Հայաստանում և Ղազախստանում Մշակույթի օրերի փոխադարձ անցկացման կարևորությունը։

Գոհունակություն հայտնելով անցկացված՝ բանակցությունների արդյունքներով, որոնք ամփոփվել են նաև մամուլի համար հայտարարությամբ, նախարարները հաստատել են հայ-ղազախստանյան փոխգործակցության խորացման հարցում փոխադարձ հետաքրքրվածությունը։

Այցի շրջանակներում ընդունվել է Հայաստանի Ղազախստանի արտաքին քաղաքական գերատեսչությունների միջև 2024-2025 թվականների գործողությունների ծրագիրը:

Աշխատանքային այցի մասին տեսանյութերը հասանելի են հետևյալ հղումներով․

https://www.youtube.com/watch?v=NOEvPxEyC_s

https://www.youtube.com/watch?v=EvU5Mhot8XE

https://t.me/pressmfakz/15793

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր