Երևանում կկայանա հայ-ղազախստանյան գործարար համաժողով

05 ապրիլի, 2024

Ս․թ․ ապրիլի 9-ին Երևանում կկայանա հայ-ղազախստանյան գործարար համաժողով՝ «Առևտրատնտեսական հարաբերությունների, զբոսաշրջության և լոգիստիկայի զարգացում» խորագրով։

Միջոցառմանը կմասնակցեն Հայաստանի Հանրապետության էկոնոմիկայի նախարար Գևորգ Պապոյանն ու Ղազախստանի Հանրապետության առևտրի և ինտեգրման նախարար Արման Շակկալիևը, առևտրաարդյունաբերական պալատների և մասնագիտացված ասոցիացիաների ու ճյուղային միավորումների ներկայացուցիչներ, ինչպես նաև երկարաժամկետ փոխշահավետ համագործակցության ընդլայնման և մշակման հարցում հետաքրքրված երկու պետությունների տնտեսվարող սուբյեկտները։

Երկկողմ առևտրատնտեսական փոխգործակցության նոր մակարդակ թևակոխելու համատեքստում համաժողովի մասնակիցներին կներկայացվեն ինչպես Հայաստանի, այնպես էլ Ղազախստանի ներդրումային գրավչությունն ու գործարար հնարավորություններն, ինչպես նաև զբոսաշրջային ներուժը։ Առանձնահատուկ ուշադրություն կդարձվի տրանսպորտային կապուղիների դիվերսիֆիկացման և ներմուծման-արտահանման գործարքների նոր շղթաների բացահայտմանն առնչվող հարցերին։

В2В ձևաչափով նախատեսված հանդիպումների և բանակցությունների արդյունքներով նախատեսվում է մի շարք փաստաթղթերի ստորագրում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր