Հայկական գինիների համտես-շնորհանդես Ալմաթիում

20 մայիսի, 2024

Ս․թ․ մայիսի 20-ին Ալմաթիում գործող «Champagne WineSchool» սոմելյեների դպրոցում կայացել է Ղազախստանում հայկական գինիների առաջին մասնագիտական համտես-շնորհանդեսը։

Ալմաթիում Հայաստանի պատվավոր հյուպատոսության կողմից «Alluria» հայկական գինեգործական տան և «NOA» գինու գործարանի հետ փոխգործակցաբար կազմակերպած միջոցառման ընթացքում սոմելյե Անաստասիա Նաումեցկայան ներկայացրել է ինչպես Հայաստանի գինեգործության պատմությունն, այնպես էլ շնորհանդեսին մասնակցող ընկերությունների գործունեության առանձնահատկությունները՝ պայմանավորված խաղողի հայկական ավտոխթոն տեսակների հիմքի վրա գինու արտադրության վրա շեշտադրմամբ։

Պատվավոր հյուպատոս Հարություն Պողոսյանի խոսքերով՝ նշյալ և Ղազախստանում Հայաստանի դեսպանության աջակցությամբ ծրագրվող նմանօրինակ միջոցառումները միտված են Ղազախստանում հայկական գինու հանրահռչակեցմանն ու առհասարակ հայ-ղազախստանյան առևտրատնտեսական փոխգործակցության առաջմղմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր