Աստանայում բացվեց հայ գրականության անկյուն

21 մայիսի, 2024

Ս.թ. մայիսի 21-ին Ղազախստանի Հանրապետության Ազգային ակադեմիական գրադարանում կայացավ հայոց լեզվի և գրականության անկյան հանդիսավոր բացման արարողությունը։

Միջոցառմանը մասնակցել են Ղազախստանում հավատարմագրված օտարերկրյա դիվանագիտական մի շարք առաքելությունների ղեկավարներ և ներկայացուցիչներ, ղազախստանյան ԲՈՒՀ-երի ուսանողներ, տեղական ԶԼՄ-ների, ինչպես նաև Աստանայի հայ համայնքի ներկայացուցիչներ։

Ողջունելով միջոցառման մասնակիցներին Ղազախստանում Հայաստանի դեսպան Ա.Ղևոնդյանը ընդգծել է նմանօրինակ նախագծերի կարևորությունը, որոնք նպաստում են ինչպես ազգային և լեզվի ինքնօրինակության պահպանմանն, այնպես էլ Հայաստանի և Ղազախստանի ժողովուրդների միջև բարեկամական հարաբերությունների զարգացմանը։

Միջոցառման ընթացքում ցուցադրվել են հայկական այբուբենի մասին վավերագրական տեսանյութեր, ինչպես նաև եռալեզու տարբերակով ներկայացվել են հայ դասականների մի շարք ստեղծագործություններ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր