Ղրղզստանի խորհրդարանում կայացած հանդիպման մասին

29 մայիսի, 2024

2024թ․ մայիսի 29-ին կայացել է Ղրղզական Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանի հանդիպումը Ղրղզական Հանրապետության Ժոգորկու Քենեշի տրանսպորտի, կոմունիկացիաների, ճարտարապետության և շինարարության հանձնաժողովի նախագահ, «Հայաստան-Ղրղզստան» խորհրդարանական բարեկամության խմբի ղրղզական կողմի համանախագահ Բակտիբեկ Սիդիկովի հետ։

Երկու պետությունների օրենսդիր մարմինների միջև փոխգործակցության հետագա զարգացման համատեքստում կայացած հանդիպմանն առանձնանշվել է հայ-ղրղզական միջպետական համագործակցության խորհրդարանական ուղեկցմանն, ինչպես նաև մասնագիտացված միջխորհրդարանական կառույցների շրջանակներում միջխորհրդարանական երկխոսության ընդլայնմանը միտված քայլերի պահանջվածությունը։

Դիտարկվել է 2023թ․ նոյեմբերի 15-ին Բիշքեկում կայացած «Հայաստան-Ղրղզստան» խորհրդարանական բարեկամության խմբի նիստի արդյունքներով ձեռք բերված պայմանավորվածությունների իրագործման ընթացքն, ինչպես նաև այդ ձևաչափով նախատեսվող միջոցառումների ժամանակացույցը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր