Ղրղզստանի արտաքին գործերի նախարարի տեղակալի հետ հանդիպման մասին

30 մայիսի, 2024

2024թ․ մայիսի 29-ին կայացել է Ղրղզական Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանի (նստավայրը՝ Աստանա) հանդիպումը Ղրղզական Հանրապետության արտաքին գործերի նախարարի տեղակալ Այբեկ Մոլդոգազիևի հետ։

Հանդիպմանը դիտարկվել են քաղաքական, տնտեսական, մշակութային-հումանիտար և այլ ոլորտներում հայ-ղրղզական փոխգործակցության հետագա զարգացման հարցերը։ Առանձնանշվել է իրավապայմանագրային հենքի կատարելագործմանն ու ընդլայնմանն ուղղված աշխատանքների կարևորությունը։ Մտքեր են փոխանակվել ընթացիկ տարում նախատեսվող համատեղ միջոցառումների ժամանակացույցի շուրջ։

Առևտրատնտեսական համագործակցության առաջմղման համատեքստում քննարկվել է արտահանման-ներկրման գործընթացներում կիրառվող տրանսպորտային-լոգիստիկ երթուղիների դիվերսիֆիկացման թեման։ Դեսպան Ա․Ղևոնդյանը ներկայացրել է Հայաստանի կառավարության կողմից մշակված «Խաղաղության խաչմերուկ» նախագծի կոնցեպտը։ Նախարարի տեղակալ Ա․Մոլդոգազիևը տեղեկացրել է Չինաստան-Ղրղզստան-Ուզբեկստան երկաթուղու կառուցման ծրագրերի վերաբերյալ։

Տարածաշրջանային և այլ բազմակողմ կառույցների շրջանակներում հայ-ղրղզական փոխգործակցության հարցի դիտարկման ներքո ընդգծվել է երկկողմ երկխոսության պահանջվածությունն, այդ թվում՝ միջԱԳՆական խորհրդատվությունների համապատասխան ծրագրով նախատեսված թեմաների շուրջ։

Կայացած քննարկումների արդյունքներով վերահաստատվել է սերտ փոխգործակցության պատրաստակամությունն՝ ի շահ Հայաստանի և Ղրղզստանի միջպետական փոխգործակցության ողջ շրջանակով համագործակցության խորացման։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր