Ղրղզստանի արտաքին քաղաքական գերատեսչության ղեկավարությանն է ներկայացվել Հայաստանի պատվավոր հյուպատոսը

30 մայիսի, 2024

2024թ. մայիսի 30-ին Բիշքեկում գտնվող Ղրղզական Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանը (նստավայրը՝ Աստանա) Ղրղզական Հանրապետության արտաքին գործերի նախարարի տեղակալ Ալմազ Իմանմգազիևին է ներկայացրել Ղրղզական Հանրապետությունում Հայաստանի Հանրապետության պատվավոր հյուպատոս Արմեն Վանյանին:

Հյուպատոսական պատենտի հանձնման և հյուպատոսական էկզեկվատուրայի ստացման արարողությանը հաջորդած զրույցին երկուստեք ընդգծվել է պատվավոր հյուպատոսության հիմնման պահանջվածությունը՝ միտված առևտրատնտեսական և մշակութային-հումանիտար ոլորտներում երկկողմ համագործակցության առաջմղման և աջակցության ցուցաբերման ապահովմանը:

Հանդիպմանը քննարկվել են նաև հյուպատոսական փոխգործակցության զարգացմանն և իրավական կարգավորումների կատարելագործմանն առնչվող հարցեր, այդ թվում՝ երկու երկրների քաղաքացիների փոխադարձ այցելությունների և գտնվելու կարգի դյուրացման մասով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր