Աստանայում քննարկվել են առողջապահության ոլորտում հայ-ղազախստանյան համագործակցության առաջմղման հարցեր

22 հուլիսի, 2024

2024թ․ հուլիսի 22-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը ՂՀ առողջապահության նախարար Ակմարալ Ալնազարովայի հետ, որի ընթացքում քննարկվել են բժշկության և առողջապահության ոլորտում հայ-ղազախստանյան համագործակցության զարգացմանն առնչվող հարցեր։

Շահագրգիռ քննարկումների մթնոլորտում կայացած հանդիպմանը երկուստեք վերահաստատվել է Երևանի և Աստանայի պատրաստակամությունը մի շարք ուղություններով երկկողմ և բազմակողմ փոխգործակցության ամրապնդման հարցում, այդ թվում՝ առաջնային բժշկասանիտարական աջակցության արդիականացման, թվային առողջապահության համակարգի ներդրման և զարգացման, դեղագործության և այլ ոլորտներում։

Քննարկվել են կրթական և գիտական բժշկական կառույցների միջև գործընկերության ակտիվացմանն ուղղված հարցեր, ներառյալ՝ Ս․Ավդալբեկյանի անվան առողջապահության ազգային ինստիտուտի (Հայաստան) և Ս․Կաիրբեկովայի անվան առողջապահության զարգացման ազգային գիտական կենտրոնի (Ղազախստան) միջև։

Բժշկության և առողջապահության ոլորտում հայ-ղազախստանյան համագործակցության առաջմղման և վերջինիս իրավապայմանագրային դաշտի ընդլայնման համատեքստում պայմանավորվածություն է ձեռք բերվել դեսպանության և նախարարության միջև սերտ շփումներ պահպանելու մասով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր