Աստանայում քննարկվել են թվային օրակարգի շրջանակներում հայ-ղազախստանյան համագործակցության հեռանկարները

02 օգոստոսի, 2024

2024թ․ օգոստոսի 2-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի թվային զարգացման, նորարարությունների և օդատիեզերական արդյունաբերության նախարար Ժասլան Մադիևի հետ։

Հանդիպմանն անդրադարձ է կատարվել Հայաստանի և Ղազախստանի միջև տեղեկատվական և հաղորդակցության տեխնոլոգիաների, էլեկտրոնային կառավարման ոլորտներում, ինչպես նաև տնտեսության նորարարական ճյուղերում համագործակցության հարցերին։ Տնտեսական համագործակցության հայ-ղազախստանյան միջկառավարական հանձնաժողովի համապատասխան որոշումների իրականացման ընթացքին առնչվող քննարկումների շրջանակներում մտքեր են փոխանակվել հետագա քայլերի մասով։

Երկկողմ համագործակցության առաջմղման համատեքստում ընդգծվել է պարբերաբար փոխայցելությունների և հանդիպումների կարևորությունը, այդ թվում՝ Երևանում և Աստանայում նախատեսվող միջազգային համաժողովների եզրույթներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր