Հայաստանի նախագահը հանդիպել է Ղազախստանի Մաժլիսի ղեկավարության հետ

15 հոկտեմբերի, 2024

Ղազախստանի Հանրապետությունում պաշտոնական այցով գտնվող Հայաստանի Հանրապետության նախագահ Վահագն Խաչատուրյանը 2024թ․ հոկտեմբերի 15-ին հանդիպել է Ղազախստանի Հանրապետության Խորհրդարանի Մաժլիսի նախագահ Երլան Կոշանովի հետ։

Հանդիպմանն անդրադարձ է կատարվել Հայաստանի և Ղազախստանի օրենսդրական մարմինների միջև փոխգործակցության հետագա զարգացմանն առնչվող հարցերին։ Երկուստեք ընդգծվել է խորհրդարանական բարեկամության խմբերի համակարգված գործունեության կարևորությունն, ինչպես նաև շարունակական երկխոսության պահպանումը, այդ թվում՝ փոխայցելությունների կազմակերպման միջոցով։

Մաժլիսի նախագահ Ե․Կոշանովը Հայաստանի նախագահին ներկայացրել է Ղազախստանում իրականացվող քաղաքական բարեփոխումները և ընդունված առացնքային օրենքներն, ինչպես նաև բազմակուսակցական Մաժլիսի ներկայիս գործունեությունը։

Իր հերթին նախահահ Վ․Խաչատուրյանը արձանագրելով Հայաստանում և Ղազախստանում հասարակական շրջանակներում վերապրվող փոխակերպումների ընդհանրությունն նախանշել է հայաստանյան խորհրդարանականների շահագրգռվածությունը Ղազախստանի օրենսդրական փորձի վերաբերյալ առավել ընդլայնված իրազեկման հարցում։

Հանդիպման արդյունքներով վստահություն է արտահայտվել առ այն, որ երկու երկրների օրենսդրականների համատեղ կառուցողական աշխատանքը կնպաստի Հայաստանի և Ղազախստանի միջև գործընկերության և համակողմանի փոխգործակցության հետագա զարգացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր