Հայաստանի նախագահի՝ Ղազախստան այցի վերաբերյալ

15 հոկտեմբերի, 2024

2024թ․ հոկտեմբերի 15-ին մեկնարկել է Հայաստանի Հանրապետության նախագահ Վահագն Խաչատուրյանի՝ Ղազախստանի Հանրապետություն երկօրյա պաշտոնական այցը, որի անցկացման ծրագրով նախատեսված են Ղազախստանի Հանրապետության նախագահ Կասիմ-Ժոմարտ Տոկաևի և երկրի բարձրագույն ղեկավարության այլ ներկայացուցիչների հետ հանդիպումներ, ինչպես նաև Ղազախստանում Հայաստանի մշակույթի օրերի բացման արարողության մասնակցությունը և այլ միջոցառումներ։

Հայաստանի և Ղազախստանի նախագահների բանակցություններին նախորդել է Ակորդայում հանդիպման հանդիսավոր արարողությունը։

Բանակցությունների ընթացքում նախագահ Կ․Տոկաևը ողջունելով Հայաստանի նախագահին ընդգծել է, որ Ղազախստանում կաևորում են հուսալի և ժամանակի փորձությունով անցած մտերիմ գործընկեր Հայաստանի հետ բարեկամական հարաբերությունները։ Գոհունակությամբ ընդգծելով բոլոր ուղղություններով հայ-ղազախստանյան հարաբերությունների դինամիկ և շարունակական զարգացող բնույթը՝ նշվել է վերջիններս որակապես նոր մակարդակի բարձրացնելու հարցում Ղազախստանի շահագրգռվածությունը։

Իր հերթին Հայաստանի նախագահ Վահագն Խաչատուրյանը շնորհակալություն հայտնելով ջերմ ընդունելության համար՝ մատնանշել է Հայաստանի հանձնառությունը Ղազախստանի հետ փոխշահավետ համագործակցության հետագա զարգացմանը։

Հանդիպմանը քննարկվել են առևտրատնտեսական, տրանսպորտային և լոգիստիկ, ագրարարային, ֆինանսական, մշակութային և հումանիտար, ինչպես նաև թվայնացման ոլորտներում հայ-ղազախստանյան փոխգործակցության ամրապնդման հեռանկարները։ Դիտարկվել են տարածաշրջանային և միջազգային օրակարգի արդի հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր