Հայաստանի նախագահն այցելել է Ղազախստանի կառավարման ակադեմիա

16 հոկտեմբերի, 2024

2024թ․ հոկտեմբերի 16-ին Ղազախստանի Հանրապետությունում պաշտոնական այցով գտնվող Հայաստանի Հանրապետության Նախագահ Վահագն Խաչատուրյանն այցելել է Ղազախստանի Հանրապետության նախագահին առընթեր պետական կառավարման ակադեմիա։

Հայաստանի նախագահին ներկայացվել են Ակադեմիայի կողմից կիրառվող շարունակական կրթության հարթակն ու Հեռավար դասընթացների ձայնագրման JALINGA տեսատաղավարն, ինչպես նաև Admission և iCademium (LMS) տեղեկատվական համակարգերը։

Ակադեմիայի մագիստրատուրայի ու դոկտորանտուրայի ուսանողների, ինչպես նաև պրոֆեսորադասախոսական անձնակազմի հետ կայացած հանդիպման ընթացքում նախագահ Վ․Խաչատուրյանը հանդես է եկել «Հայաստանյան «Խաղաղության խաչմերուկ»՝ ազգային գերակայություն և Հարավային Կովկասի կայուն զարգացման գրավականը» խորագրով դասախոսությամբ։ Հանդիպման մասնակիցներին նաև հնարավորություն է ընձեռվել ծանոթանալ Հայաստանի Կառավարության՝ երկրի տարբեր ոլորտներում իրականացվող և առկա խնդիրների լուծմանը միտված քաղաքականության հետ, ինչպես նաև Հայաստանի և Ղազախստանի միջև փոխհարաբերությունների զարգացման հեռանկարների տեսլականին։

Ղազախստանի Հանրապետության նախագահին առընթեր Պետական կառավարման ակադեմիան հանդիսանում է Ղազախստանի միակ բարձրագույն ուսումնական հաստատությունը, որն իրականացնում է պետական ծառայողների պատրաստումը, վերապատրաստումն ու որակավորման բարձրացումը։ Ակադեմիայի կազմում ընդգրկված են Պետական քաղաքականության ազգային դպրոցը, Դիվանագիտության ինստիտուտն ու Կառավարման ինստիտուտն, ինչպես նաև պետական մարմինների ենթակառուցվածքային սպասարկման այլ գիտահետազոտական ստորաբաժանումներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր