Ղրղզստանի արտաքին քաղաքական գերատեսչության ղեկավարի այցը Հայաստան

27 հունվարի, 2025

2025թ․ հունվարի 23-ին Հայաստանի Հանրապետության արտաքին գործերի նախարար Արարատ Միրզոյանի հրավերով աշխատանքային այցով Երևան է ժամանել Ղրղզական Հանրապետության արտաքին գործերի նախարար Ժեենբեկ Կուլուբաևը։

Ողջունելով նախարար Ժ․Կուլուբաևին՝ Հայաստանի դիվանագիտական ծառայության ղեկավար Ա․Միրոզոյանը մասնավորապես նշել է հետևյալը՝ «Մեր երկրներն ունեն շատ ընդհանրություններ. իրավիճակները նման են, հնարավորությունները նման են, այսօրվա միտումներին և աշխարհաքաղաքական գործընթացներին բնորոշ վտանգներն ու ռիսկերը ևս շատ բարդ են: Մենք միասին նույն տնտեսական ինտեգրացիոն միավորման մաս ենք կազմում, այնպես որ շատ տրամաբանական է, որ մենք պետք է հաճախակի հանդիպենք: (...) Այս այցը, կարելի է ասել, պատմական է: Սա շոշափելի առաջընթաց է: Ես շատ ուրախ եմ այս այցի համար: Եվս մեկ անգամ, բարի գալուստ»

Նեղ և ընդլայնված կազմերով անցկացված բանակցությունների ընթացքում քննարկվել են Հայաստանի և Ղրղզստանի միջև հարաբերությունների արդի վիճակն ու վերջիններիս հետագա ընդլայնման հեռանկարը։ Նշելով երկկողմ հարաբերությունների էական ներուժն ու քաղաքական, առևտրատնտեսական և մշակութային-հումանիտար ոլորտներում համագործակցության առաջմղման համար լայն գործիքակազմի առկայությունն՝ արտաքին քաղաքական գերատեսչությունների ղեկավարները հաստատել են նշյալ ուղղությամբ համատեղ ջանքեր գործադրելու պատրաստակամությունը։ Հանդիպմանը նաև մատնանշվել է ձգտումը հետագայում ևս շարունակել համագործակցությունը ՄԱԿ-ի և միջազգային այլ կազմակերպությունների շրջանակներում, այդ թվում՝ երկու երկրների թեկնածությունների առաջմղմանը փոխադարձ աջակցություն ցուցաբերելու կտրվածքով։

Բանակցությունների արդյունքներով ստորագրվել են՝

Հայաստանի Հանրապետության արտաքին գործերի նախարարության և Ղրղզական Հանրապետության արտաքին գործերի նախարարության միջև 2025-2026 թվականների համագործակցության ծրագիրը
Հայաստանի Հանրապետության ԱԳՆ դիվանագիտական դպրոցի և Ղրղզական Հանրապետության ԱԳՆ դիվանագիտական ակադեմիաի միջև համագործակցության մասին համաձայնագիրը.

Բանակցությունների ավարտին Հայաստանի և Ղրղզստանի արտաքին քաղաքական գերատեսչությունների ղեկավարները հանդես են եկել մամուլի համար հայտարարություններով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր