Դեսպան Ղևոնդյանի կողմից հավատարմագրերի պատճենների հանձնման վերաբերյալ

19 փետրվարի, 2025

2025թ․ փետրվարի 18-ին Դուշանբեյում Տաջիկստանի Հանրապետությունում Հայաստանի Հանրապետության նորանշանակ դեսպան Արմեն Ղևոնդյանը (նստավայրը՝ Աստանա) իր հավատարմագրերի պատճեններն է հանձնել Տաջիկստանի Հանրապետության Արտաքին գործերի նախարար Սիրոջիդդին Մուհրիդդինին։

Հաջորդած զրույցի ընթացքում դիտարկվել է Հայաստանի և Տաջիկստանի փոխգործակցության զարգացման հեռանկարներին, ամենաբարձր և բարձր մակարդակներում երկկողմ քաղաքական երկխոսության առաջմղմանն, իրավապայմանագրային հենքի ընդլայնմանն, առևտրատնտեսական հարաբերությունների ինտենսիֆիկացմանն, ինչպես նաև մշակութային-հումանիտար նախագծերի իրագործմանն առնչվող հարցերի լայն շրջանակ։

Նախարար Ս․Մուհրիդդինը տեղեկացվել է Հայաստանի Կառավարության կողմից գործադրվող ջանքերին՝ միտված Հարավային Կովկասում խաղաղության հաստատմանը, տարածաշրջանային կոմունիկացիաների արդյունավետ ապաշրջափակմանն, ինչպես նաև երկրի զարգացման համար բարենպաստ պայմանների ստեղծմանը։

Դեսպան Ա․Ղևոնդյանն ընդգծել է երկու երկրների ժողովուրդների փոխադարձ հարգանքի բազմադարյա հարաբերությունների, ինչպես նաև 2002թ․ ապրիլի 2-ի Հայաստանի և Տաջիկստանի միջև բարեկամության և համագործակցության մասին պայմանագրում ամրագրված սկզբունքների հիման վրա միջպետական փոխգործակցության ներուժի իրագործման մասով ջանքեր գործադրելու պատրաստականությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր