Հայաստանի արտաքին գործերի նախարարի պաշտոնական այցը Ղազախստան

02 ապրիլի, 2025

2025թ․ մարտի 27-ին Ղազախստանի Հանրապետությունում պաշտոնական այցով գտնվող Հայաստանի Հանրապետության արտաքին գործերի նախարար Արարատ Միրզոյանն այցելել է Արևելյան Եվրոպայի և Կենտրոնական Ասիայի տարածաշրջանում խոշորագույն՝ «Աստանա» միջազգային ֆինանսական կենտրոն։

Հանդիպմանը նախարար Ա.Միրզոյանին ներկայացվել է նորարարության և բիզնեսի աճի դինամիկ հանգույց ներառող էկոհամակարգի գործունեությունը, վեճերի լուծման մեխանիզմները և «AIFC Expat»-ը, որը Ղազախստան ժամանող օտարերկրյա ընկերություններին տրամադրում է անհրաժեշտ ծառայություններ՝ «մեկ պատուհանի» սկզբունքով:

Նույն օրը Հայաստանի արտաքին քաղաքական գերատեսչության ղեկավարն այցելել է Կենտրոնական Ասիայում ՏՏ սթարթափերի միջազգային խոշորագույն տեխնոպարկ՝ «Astana Hub»-ը։ Այցելության ընթացքում նախարար Ա․Միրզոյանին ներկայացվել են ինչպես «Astana Hub»-ի հարթակում մշակվող նորարարական լուծումներն, այնպես էլ «Ապագայի դպրոցի» գործունեության ընթացք, որի շրջանակներում նախատեսվում է «TUMO» ստեղծարար տեխնոլոգիաների կենտրոնի մասնաճյուղի բացումը։

Պաշտոնական այցի ծրագրի շրջանակներում Հայաստանի արտաքին գործերի նախարարն այցելել է նաև քաղաքական բռնաճնշումների և տոտալիտարիզմի զոհերի «ԱԼԺԻՐ» հուշահամալիրը, որտեղ իր հարգանքի տուրքն է մատուցել 1930-1950 թթ բռնաճնշումների ժամանակահատվածում ճամբար աքսորված կանանց հիշատակին, ինչպես նաև ծաղիկներ է զետեղել հայ կանանց հիշատակին նվիրված հուշակոթողին և զանգվածային հուղարկավորման վայրում տեղադրված հայկական խաչքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր