Հայաստանն ու Ղազախստանն ընդլայնում են համագործակցությունը մշակույթի և տեղեկատվական փոխանակման բնագավառներում

19 ապրիլի, 2025

2025թ․ ապրիլի 19-ին Երևանում կայացել է Հայաստանի Հանրապետության կրթության, գիտության, մշակույթի և սպորտի նախարար Ժ․Անդրեասյանի հանդիպումը Ղազախստանի մշակույթի օրերի մեկնարկի շրջանակներում Հայաստանում գտնվող՝ Ղազախստանի Հանրապետության մշակույթի և տեղեկատվության նախարար Աիդա Բալաևայի հետ։

Հանդիպմանը դիտարկվել են հումանիտար կապերի ամրապնդմանն ուղղված ոլորտային համագործակցության հեռանկարները։ Առանձնահատուկ ուշադրություն է դարձվել համակարգային հիմքի վրա գրականության, երաժշտության, կինոյի և տեղեկատվական փոխանակման ոլորտներում երկկողմ նախագծերի ընդլայնման հարցերին։ Գործնական առումով հնչեցվել են հստակ առաջարկներ․ արտիստների փոխադարձ շրջագայություններ, երիտասարդ կատարողների մասնակցությամբ համատեղ համերգների անցկացում, տեղեկատվական գործակալությունների միջև համագործակցության զարգացում և մեդիակոնտենտի, ներառյալ՝ ֆիլմերի և փաստավավերագրական նախագծերի, փոխանակում։

Երկուստեք ողջունվել է մոտակա հեռանկարում համատեղ գործողությունների ծրագրի մշակման գաղափարը՝ միտված Հայաստանի և Ղազախստանի միջև մշակութային և տեղեկատվական երկխոսության ամրապնդմանը։

Նույն օրը «Հայաստանի Հանրային Հեռուստաընկերության» և ղազախստանյան «Խաբար» Գործակալության» միջև ստորագրվել է փոխըմբռնման Հուշագիր, ինչին նախորդել է «Արմենպրես» գործակալության տնօրեն Նարինե Նազարյանի՝ «Խաբար» Գործակալության» ղեկավար Քեմելբեկ Օյշիբաևի հետ հանդիպումը, որի ընթացքում քննարկվել են համագործակցության մեխանիզմներ, այդ թվում՝ փոխադարձ հետաքրություն ներկայացնող թեմաների համատեղ լուսաբանումը։

Տեսանյութը հասանելի է հետևյալ հղումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր