Հայաստանի Ազգային Ժողովի նախագահի հանդիպումներն Աստանայում

17 մայիսի, 2025

2025թ․ մայիսի 15-ին Ղազախստանի Հանրապետությունում պաշտոնական այցով գտնվող Հայաստանի Հանրապետության Ազգային Ժողովի նախագահ Ալեն Սիմոնյանն այցելել է Կենտրոնական Ասիայում IT ստարթափների խոշորագույն տեխնոպարկ՝ «Astana Hub» միջազգային կենտրոն։

Այցելության ընթացքում Հայաստանի խորհրդարանի ղեկավարին է ներկայացվել ինչպես «Astana Hub»-ի ընթացիկ գործունեությունն ու զարգացման ռազմավարությունն, այնպես էլ «Ապագայի դպրոցի» ստեղծման ընթացքը, որի շրջանակներում ընթացիկ տարվա հոկտեմբերին նախատեսվում է Ստեղծարար տեխնոլոգիաների «TUMO» հայկական կենտրոնի մասնաճյուղի բացումը։

Նույն օրը Ա․Սիմոնյանն այցելել է Միջդավանական և միջկրոնական երկխոսության կենտրոն, որտեղ ծանոթացել է կենտրոնի գործունեության առանցքային ուղղություններին, ինչպես նաև Աստանայում նախատեսված Համաշխարհային և ավանդական կրոնների առաջնորդների VIII համագումարի նախապատրաստական աշխատանքներին։

Պաշտոնական այցի ծրագրի շրջանակներում Ազգային Ժողովի նախագահ Ա․Սիմոնյանն այցելել է նաև Քաղաքական բռնաճնշումների և տոտալիտարիզմի զոհերի «ԱԼԺԻՐ» թանգարան-հուշահամալիր, որտեղ հարգանքի տուրք է մատուցել 1930-1950 թթ․ բռնաճնշումների շրջանում աքսորված կանանց հիշատակին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր