Հայաստանի խորհրդարանի ղեկավարի պաշտոնական այցը Ղազախստան

17 մայիսի, 2025

2025թ․ մայիսի 14-ին պաշտոնական այցով Աստանա ժամանած Հայաստանի Հանրապետության Ազգային Ժողովի նախագահ Ալեն Սիմոնյանը հանդիպել է Ղազախստանի Հանրապետության Խորհրդարանի Մաժիլիսի նախագահ Երլան Կոշանովի հետ։

Ողջունելով հայաստանյան գործընկերոջը՝ Մաժիլիսի նախագահ Ե․Կոշանովը ընդգծել է, որ Հայաստանը Ղազախստանի կարևոր և հեռանկարային գործընկերն է Հարավային Կովկասում։ Նշվել է նաև, որ Ղազախստանը մեծ հետաքրքրությամբ է հետևում Հայաստանում իրականացվող լայնածավալ քաղաքական, տնտեսական և սոցիալական բարեփոխումներին։

Իր հերթին, երախտագիտություն հայտնելով հրավերի և ջերմ ընդունելության համար՝ Հայաստանի Ազգային Ժողովի նախագահ Ա․Սիմոնյանը ընդգծել է Հայաստանի պատրաստակամությունը Ղազախստանի հետ գործընկերության հետագա խորացման մասով։ Երկու երկրների օրենսդրական մարմինների միջև համագործակցության խորացման համատեքստում Ազգային Ժողովի նախագահն առաջարկել է դիտարկել միջխորհրդարանական ձևաչափում հետագա համագործակցությունը հանձնաժողովի շրջանակներում ծավալելու հնարավորությունը։ Պայմանավորվածություն է ձեռք բերվել նաև երկու երկրների խորհրդարանների ոլորտային հանձնաժողովների միջև փորձի փոխանակման վերաբերյալ։

Հանդիպման ընթացքում քննարկվել են նաև աշխարհաքաղաքական նոր իրողությունների պայմաններում Հայաստանի և Ղազախստանի միջև փոխգործակցությանը լուրջ խթան հաղորդած բարձր մակարդակում ձեռք բերված՝ երկկողմ տնտեսական, լոգիստիկ, մշակութային-հումանիտար ոլորտներում համագործակցությանն առնչվող պայմանավորվածություններին խորհրդարանական աջակցության հարցեր։

Անդրադառնալով տարածաշրջանային զարգացումներին և ընդգծելով Հայաստանի և Ադրբեջանի միջև խաղաղության պայմանագրի ստորագրման անհրաժեշտությունը՝ Հայաստանի Ազգային Ժողովի նախագահը երախտագիտություն է հայտնել ղազախստանյան կողմին Հայաստանի Հանրապետության Կառավարության կողմից նախաձեռնած «Խաղաղության խաչմերուկ» նախագծին սատարելու համար։ Նախագահ Ա․Սիմոնյանը նաև ուշադրություն է հրավիրել Ադրբեջանում գտնվող գերիների և ապօրինի պահվող անձանց խնդրին։

Հանդիպման ավարտին Ազգային Ժողովի նախագահ Ա․Սիմոնյանը Մաժիլիսի նախագահ Ե․Կոշանովին պաշտոնական այցով հրավիրել է Հայաստան:

Հանդիպման մասին տեսանյութը հասանելի է հետևյալ հղումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր