Հայաստանի խորհրդարանի նախագահի՝ Ղազախստանի նախագահի հետ հանդիպման մասին

17 մայիսի, 2025

2025թ. մայիսի 14-ին Հայաստանի Հանրապետության Ազգային Ժողովի նախագահ Ալեն Սիմոնյանին ընդունել է Ղազախստանի Հանրապետության նախագահ Կասիմ-Ժոմարտ Տոկաևը:

Ողջունելով Հայաստանի խորհրդարանի խոսնակին՝ նախագահ Կ.Տոկաևը նշել է, որ Ա.Սիմոնյանի պաշտոնական այցը կարևոր նշանակություն ունի երկկողմ համագործակցության խորացման համար, այդ թվում՝ օրենսդիր մարմինների կողմից համակողմանի աջակցության ցուցաբերման տեսանկյունից: Ընդգծելով, որ Հայաստանը հուսալի գործընկեր է հանդիսանում Հարավային Կովկասի տարածաշրջանում, Ղազախստանի Նախագահն ընդգծել է մի շարք ուղղություններով երկկողմ միջպետական հարաբերությունների հետևողական զարգացումն, ինչը պայմանավորված է պարբերական բնույթ կրող քաղաքական երկխոսությամբ և առևտրատնտեսական ու մշակութային-հումանիտար կապերի ընդլայնմամբ:

Երախտագիտություն հայտնելով ջերմ ընդունելության համար և առանձնանշելով Աստանայի հետ միջպետական համագործակցության ընդլայնման հարցում Երևանի շահագրգռվածությունը, խոսնակ Սիմոնյանն, իր հերթին, արձանագրել է որպես երկկողմ երկխոսության առանցքային բաղադրիչներից մեկը հանդիսացող միջխորհրդարանական փոխգործակցության ամրապնդման կարևորությունը:

Երկկողմ հարաբերությունների օրակարգի հարցերի քննարկման հետ մեկտեղ զրույցի ընթացքում նաև անդրադարձ է կատարվել տարածաշրջանային զարգացումների թեմային: Այդ համատեքստում Ա.Սիմոնյանը ողջունել է Հայաստանի և Ադրբեջանի միջև խաղաղության համաձայնագրի շուրջ բանակցությունների ավարտի առնչությամբ ղազախստանյան կողմի հայտարարությունը, ինչպես նաև երկու երկրների միջև երկխոսությանը Ղազախստանի աջակցությունը:

Հանդիպման արդյունքներով վերահաստատվել է հանուն երկու երկրների ժողովուրդների բարեկեցության և բարգավաճման Հայաստանի և Ղազախստանի միջև հարաբերությունների համակողմանի զարգացման հարցում փոխադարձ հանձնառությունը:

Հանդիպման մասին տեսանյութերը հասանելի են հետևյալ հղումներով՝

https://www.youtube.com/watch?v=FwmBZvmf8JM

https://youtube.com/shorts/qWBJOmJb8mk?feature=share

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր