Հայաստանի վարչապետն ընդունել է Ղրղզստանի խորհրդարանի նախագահին

31 մայիսի, 2025

2025թ. մայիսի 27-ին Հայաստանի Հանրապետության վարչապետ Նիկոլ Փաշինյանն ընդունել է պաշտոնական այցով Երևանում գտնվող՝ Ղրղզական Հանրապետության Ժոգորկու Քենեշի տորագա (խորհրդարանի նախագահ) Նուրլանբեկ Տուրգունբեկ ուուլուին:

Ողջունելով Ժոգորկու Քենեշի տորագային և Ղրղզստանի խորհրդարանում ձևավորված՝ Հայաստան-Ղրղզստան պատգամավորական բարեկամական խմբի անդամներին՝ վարչապետ Ն.Փաշինյանն ընդգծել է երկու երկրների և ժողովուրդների միջև ամուր հարաբերությունների հիման վրա համագործակցության հետագա զարգացման կարևորւթյունը: Այդ համատեքստում առանձնանշվել է միջխորհրդարանական ձևաչափով փոխգործակցությունն, ինչը կարող է նոր ազդակ հաղորդել նաև քաղաքական երկխոսությանը:

Իր հերթին տորագա Ն.Տուրգունբեկ ուուլուն, շնորհակալություն հայտնելով հանդիպման համար և ընդգծելով Հայաստանի հետ բոլոր ուղղություններով գործընկերության ամրապնդման հարցում Ղրղզստանի շահագրգռվածությունը, Հայաստանի վարչապետին է փոխանցեց Ղրղզստանի նախագահի ջերմ ողջույնը: Այդ համատեքստում նաև ընդգծել է միջպետական հարաբերությունները որակապես նոր մակարդակի հասցնելու միտվածությունը:

Հաջորդիվ զրույցի ընթացքում քննարկել են միջխորհրդարանական բարեկամական խմբերի գործունեությանն առնչվող հարցեր, երկկողմ հարաբերությունների օրակարգային մի շարք թեմաներ, այդ թվում՝ Երևանի և Բիշքեկի միջև ուղիղ ավիահաղորդակցության բացմանը վերաբերող, ինչպես նաև տարածաշրջանային նշանակության որոշ հարցեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր