Հայաստանի դեսպանը հանդիպում է ունեցել Աստանայի քաղաքապետի հետ

06 օգոստոսի, 2025

2025թ. օգոստոսի 5-ին Ղազախստանում Հայաստանի դեսպան Արմեն Ղևոնդյանը հանդիպում է ունեցել Աստանայի ակիմ /քաղաքապետ/ Ժենիս Կասիմբեկի հետ:

Հանդիպման ընթացքում քննարկվել են Երևանի և Աստանայի միջև առևտրատնտեսական և հումանիտար-մշակութային ոլորտներում՝ քույր քաղաքներ դառնալու մասին 2024 թվականին ընդունված համաձայնագրի շրջանակներում համագործակցության առաջմղմանն առնչվող հարցեր:

Առանձնահատուկ ուշադրություն է դարձվել Հայաստանի և Ղազախստանի ժողովուրդների ականավոր ներկայացուցիչների հիշատակի հավերժացման առնչությամբ բարձր մակարդակում ձեռք բերված պայմանավորվածությունների իրագործմանը։

Դիտարկվել են նաև Աստանայում Հայաստանի դեսպանության գործունեության պայմանների արդիականացմանը միտված հարցեր՝ հայ-ղազախստանյան միջպետական հարաբերությունների զարգացման հեռանկարների հաշվառմամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր