Հայաստանի Հանրապետության և Ղրղզական Հանրապետության ԱԳ նախարարների հեռախոսազանգը

27 օգոստոսի, 2025

Հայաստանի Հանրապետության և Ղրղզական Հանրապետության ԱԳ նախարարների հեռախոսազանգը

2025թ․ օգոստոսի 26-ին Հայաստանի Հանրապետության ԱԳ նախարար Արարատ Միրզոյանը հեռախոսազրույց է ունեցել Ղրղզական Հանրապետության ԱԳ նախարար Ժեենբեկ Կուլուբաևի հետ։

Ղրղզստանի ԱԳ նախարարը շնորհավորել է Հայաստանի ԱԳ նախարարին Վաշինգտոնյան համաձայնությունների կապակցությամբ։ Արարատ Միրզոյանը ներկայացրել է ձեռքբերված պայմանավորվածությունների մանրամասները, այդ թվում՝ Հայաստանի և Ադրբեջանի միջև միջպետական հարաբերությունների և խաղաղության հաստատման մասին համաձայնագրի նախաստորագրման և տարածաշրջանային ենթակառուցվածքների ապաշրջափակման միջոցով ստեղծվող հնարավորությունների մասով։

Արարատ Միրզոյանը և Ժեենբեկ Կուլուբաևը մտքեր են փոխանակել երկկողմ ձևաչափով և բազմակողմ հարթակներում փոխգործակցության հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր