Դեսպան Ղևոնդյանը հանդիպել է Կարագանդայի մարզպետի հետ

10 նոյեմբերի, 2025

2025թ․ նոյեմբերի 10-ին կայացել է Ղազախստանումում Հայաստանի դեսպան Արմեն Ղևոնդյանի հանդիպումը Ղազախստանի Հանրապետության Կարագանդայի մարզի ակիմ Երմագանբետ Բուլեկպաևի հետ։

Փոխըմբռնման և բարձր մակարդակի միջպետական պայմանավորվածությունների գործնական իրականացման պատրաստակամության մթնոլորտում կայացած հանդիպմանը դիտարկվել են Հայաստանի և Ղազախստանի մարզերի միջև ապակենտրոնացված համագործակցության տիրույթ Կարագանդայի մարզի՝ ներգրավման հեռանկարները։ Այդ կապակցությամբ դեսպան Ա․Ղևոնդյանը ներկայացրել է Հայաստանի մակրոտնտեսական ցուցանիշներին և ՀՀ կառավարության կողմից տարվող ներդրումային քաղաքականությանն առնչվող տեղեկատվություն։

Հանդիպմանը մարզի ղեկավարությանն է ներկայացվել Ղազախստանի Հանրապետությունում Հայաստանի Հանրապետության պատվավոր հյուպատոս /հյուպատոսական շրջանը՝ Կարագանդայի մարզ/ Հայկ Սողոյանը։

Իր հերթին Ակիմ Ե․Բուլեկպաևը, ծանոթացնելով վերամշակող արդյունաբերության մասով Ղազախստանում առաջին տեղը զբաղեցնող մարզի տնտեսության առանցքային ոլորտներին, ուշադրություն է հրավիրել նաև տրանսպորտային-լոգիստիկ ոլորտում ընձեռվող համագործակցության հնարավորության վրա՝ Կարագանդայի մարզում խոշոր ավիացիոն հանգույցի ստեղծման ծրագրի հաշվառմամբ։

Հանդիպման արդյունքներով ձեռք է բերվել շփումների աշխուժացման մասով պայմանավորվածություն՝ ի շահ փոխշահավետ նախագծերի մշակման և առաջմղման տրամադրվածությամբ, այդ թվում՝ հենվելով պատվավոր հյուպատոսության գործունեության վրա։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր