Կարագանդայում Հայաստանի պատվավոր հյուպատոսության բացման մասին

10 նոյեմբերի, 2025

2025թ․ նոյեմբերի 10-ին կայացել է Ղազախստանի Հանրապետությունում Հայաստանի Հանրապետության պատվավոր հյուպատոսության (հյուպատոսական շրջանը՝ Կարագանդայի մարզ) նոր գրասենյակի բացումը:

Բացման արարողությանը մասնակցել են Ղազախստանի Հանրապետության արտաքին գործերի նախարարության ղեկավարության ներկայացուցիչները, Կարագանդայի մարզպետ Երմագանբետ Բուլեկպաևը, Կարագանդայի քաղաքապետ Մեյրամ Կոժուխովն, ինչպես նաև մարզի հայ համայնքի, գործարար շրջանակների և մտավորականության ականավոր գործիչներ և ներկայացուցիչներ։

Ղազախստանում Հայաստանի դեսպան Արմեն Ղևոնդյանը ողջույնի իր խոսքում ընդգծել է, որ պատվավոր հյուպատոսության նոր գրասենյակի բացումը ևս մեկ վերահաստատում է Հայաստանի՝ Ղազախստանի հետ համակարգային հիմքի վրա՝ երկու երկրների ժողովուրդների միջև բարեկամության և փոխըմբռնման ոգով, հարաբերությունների հետագա կառուցման հարցում պատրաստակամության մասով։ Շնորհավորելով Հայկ Սողոյանին՝ պատվավոր հյուպատոսի պատասխանատվությունը ստանձնելու կապակցությամբ, դեսպան Ա․Ղևոնդյանը հույս է հայտնել, որ պատվավոր հյուպատոսության գործունեությունը մոտ ապագայում կդրսևորվի գործնական արդյունքներով՝ Հայաստանի մարզերի և Ղազախստանի Կարագանդայի մարզի միջև փոխշահավետ առևտրատնտեսական և մշակութային-հումանիտար գրավիչ նախագծերի իրականացման աջակցության շեշտադրմամբ։

Իր հերթին՝ Ղազախստանի Հանրապետության արտաքին գործերի նախարարի տեղակալ Ալիբեկ Բակաևը նշել է, որ պատվավոր հյուպատոսության հիմնադրումը ամրապնդում է ներկայումս Հայաստանի և Ղազախստանի միջև համագործակցության աշխուժացումը, որը հետևողականորեն կառուցում է ապագային միտված ռազմավարական ուղղվածություն ունեցող փոխհարաբերությունների ներքո։

Երախտագիտություն հայտնելով վստահության համար՝ պատվավոր հյուպատոս Հ․Սողոյանը ընդգծել է երկկողմ համագործակցության զարգացմանն աջակցելու մասով իր պատրաստակամությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր