Հայաստանի դեսպանի հանդիպումը Ղազախստանի երկաթուղու ղեկավարի հետ

14 հունվարի, 2026

2026թ․ հունվարի 14-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը «Қазақстан темір жолы» Ազգային ընկերություն» նախագահության նախագահ Տալգատ Ալդիբերգենովի հետ։

Հայաստանի և Ղազախստանի ռազմավարական գործընկերության համատեքստում դիտարկվել են Հարավային Կովկասի և Կենտրոնական Ասիայի փոխկապակցվածության ապահովման բարձր տրանսպորտային-տարանցիկ ներուժով օժտված երկաթուղային և մուլտիմոդալ հաղորդակցությունների կազմակերպման ոլորտում երկկողմ համագործակցության հեռանկարները։

Դեսպան Ա․Ղևոնդյանը նաև ներկայացրել է տարածաշրջանային տրանսպորտային կապուղիների դիվերսիֆիկացման մասով վերջին զարգացումները՝ նախորդ օրը Վաշինգտոնում Հայաստանի և Ամերիկայի Միացյալ Նահանգների արտաքին քաղաքական գերատեսչությունների ղեկավարների կողմից ընդունված «ԹՐԻՓՓ-ի իրականացման շրջանակ» փաստաթղթի շեշտադրմամբ։

Հանդիպման արդյունքներով պայմանավորվածություն է ձեռք բերվել հետագա քայլերի և առաջիկա շփումների շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր