Հայաստանի Բանակի կազմավորման 34-ամյակին նվիրված միջոցառում Աստանայում

05 փետրվարի, 2026

2026 թվականի փետրվարի 5-ին Աստանայում կազմակերպվել էր Հայաստանի Հանրապետության բանակի կազմավորման 34-րդ տարեդարձին նվիրված հանդիսավոր ընդունելություն։

Միջոցառմանը ներկա են գտնվել Ղազախստանի Հանրապետության պաշտպանության նախարարության և զինված ուժերի գլխավոր շտաբի բարձրաստիճան պաշտոնյաներ, Ղազախստանում հավատարմագրված ռազմական կցորդներ, ինչպես նաև հասարակական գործիչներ և հայ համայնքի ներկայացուցիչներ։

Հանդես գալով բացման խոսքով՝ Ղազախստանի Հանրապետությունում Հայաստանի Հանրապետության ռազմական կցորդ Արա Նորոյանը ներկայացնելով Հայաստանի Հանրապետության Զինված Ուժերի կայացման անցած ճանապարհը՝ անդրադարձել է բանակաշինության հարցում Հայաստանի Հանրապետության կառավարության կողմից իրականացվող բարեփոխումներին, որոնք միտված են ապահովել պետության անկախությունը, ինքնիշխանությունը, տարածքային ամբողջականությունը և սահմանների անձեռնմխելիությունը։

Իր շնորհավորական ելույթում Ղազախստանի Զինված Ուժերի Գլխավոր շտաբի պետի տեղակալ գեներալ-մայոր Կուանիշբեկ Ուշտաևը, ընդգծելով կայունության և անվտանգության ու ժողովուրդների բարեկեցության ամրապնդման մասով Հայաստանի և Ղազախստանի ընդհանուր ձգտումը՝ գոհունակությամբ նշել է պաշտպանության ոլորտում միջգերատեսչական համագործակցության ընդլայնման երկուստեք շահագրգռվածությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր