ՀՀ ԱԳ նախարարի տեղակալի հանդիպումը Ղազախստանի ԱԳ նախարարի տեղակալի հետ

08 մայ, 2026

Մայիսի 6-ին «Երևանյան երկխոսություն» միջազգային համաժողովի շրջանակներում տեղի է ունեցել Հայաստանի Հանրապետության արտաքին գործերի նախարարի տեղակալ Մնացական Սաֆարյանի և Ղազախստանի Հանրապետության արտաքին գործերի նախարարի տեղակալ Երմուխամբետ Կոնուսպաևի հանդիպումը։

Զրուցակիցները կարևորել են ընթացիկ տարում բարձր և բարձրագույն մակարդակներով իրականացված պաշտոնական այցերի ընթացքում ձեռքբերված պայմանավորվածությունների արդյունավետ իրականացումը՝ ընդգծելով այդ ուղղությամբ շարունակական ջանքերի անհրաժեշտությունը։

Հանդիպման ընթացքում համակողմանիորեն քննարկվել են հայ-ղազախական երկկողմ հարաբերությունների օրակարգային հարցերը, ներառյալ` առաջիկա միջոցառումների և փոխայցերի ծրագրերը, ինչպես նաև համագործակցությունը երկկողմ և բազմակողմ հարթակներում։ Զրուցակիցները բարձր են գնահատել նաև Հայաստանի և Ղազախստանի միջև ուղիղ կանոնավոր չվերթների վերագործարկումը՝ որպես երկկողմ կապերի խթանման կարևոր գործոն։

Ձեռք է բերվել պայմանավորվածություն շարունակել և խորացնել արտաքին քաղաքական գերատեսչությունների միջև սերտ շփումներն ու փոխգործակցությունը՝ միտված Հայաստանի և Ղազախստանի միջև հարաբերությունների հետագա զարգացմանն ու ամրապնդմանը։ ‎

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր