Հայաստանի դեսպանի և Ղազախստանի գիտության և բարձրագույն կրթության նախարարի հանդիպման մասին

21 մայիսի, 2026

2026 թվականի մայիսի 21-ին Ղազախստանում Հայաստանի դեսպան Արմեն Ղևոնդյանը հանդիպում է ունեցել Ղազախստանի գիտության և բարձրագույն կրթության նախարար Սայասատ Նուրբեկի հետ։

Հանդիպման ընթացքում միջպետական ռազմավարական գործընկերության համատեքստում քննարկվել են Հայաստանի և Ղազախստանի միջև ոլորտային համագործակցության ընթացքն ու ընդլայնման հեռանկարները՝ ընդունված երկկողմ փաստաթղթերին համապատասխան, ներառյալ՝ 2025 թվականի նոյեմբերի 21-ին ստորագրված Հայաստանի Հանրապետության կրթության, գիտության, մշակույթի և սպորտի նախարարության ու Ղազախստանի Հանրապետության գիտության և բարձրագույն կրթության նախարարության միջև գիտության և բարձրագույն կրթության ոլորտում համագործակցության մասին հուշագրի։

Մտքեր են փոխանակվել նաև գիտության և բարձրագույն կրթության ոլորտում իրականացվող ընթացիկ ծրագրերի շուրջ։ Հատուկ անդրադարձ է կատարվել Հայաստանի կառավարության նախաձեռնած «Ակադեմիական քաղաք» նախագծին և երկրում առաջատար օտարերկրյա բուհերի մասնաճյուղերի հիմնմանն ուղղված Ղազախստանի ծրագրին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր