Ղազախստանի էկոլոգիայի և բնական պաշարների նախարարի հետ հանդիպման մասին

26 մայիսի, 2026

2026 թվականի մայիսի 26-ին Աստանայում տեղի է ունեցել Ղազախստանում Հայաստանի դեսպան Արմեն Ղևոնդյանի հանդիպումը Ղազախստանի էկոլոգիայի և բնական պաշարների նախարար Երլան Նըսանբաևի հետ:

Հանդիպման ընթացքում երկուստեք վերահաստատվել է Երևանի և Աստանայի փոխադարձ պատրաստակամությունը՝ զարգացնելու երկկողմ համագործակցությունը բնապահպանական ոլորտում, այդ թվում՝ փորձի փոխանակման կազմակերպման և համատեղ նախագծերի իրականացման հնարավորությունների մշակման միջոցով:

Դեսպան Ա.Ղևոնդյանը նախարար Ե.Նըսանբաևին է ներկայացրել նաև 2026 թվականի հոկտեմբերին Հայաստանում կայանալիք ՄԱԿ-ի Կենսաբանական բազմազանության մասին կոնվենցիայի Կողմերի համաժողովի (COP17) նախապատրաստական աշխատանքների ընթացքն ու հայեցակարգը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր