Հայաստանի դեսպանի հանդիպումը «Kazakh Tourism»-ում

28 մայիսի, 2026

2026 թվականի մայիսի 28-ին Ղազախստանում Հայաստանի դեսպան Արմեն Ղևոնդյանն այցելել է «Kazakh Tourism», որտեղ հանդիպում է ունեցել Ղազախստանի տուրիզմի գծով բրենդ-մենեջեր հանդիսացող ազգային ընկերության վարչության նախագահ Տալգատ Գազիզովի հետ։

Հանդիպմանը քննարկվել են զբոսաշրջության ոլորտում երկկողմ համագործակցության զարգացման հեռանկարները՝ վերջինիս տեղեկատվական աջակցության կազմակերպման և երկրների կողմից առաջարկվող զբոսաշրջային փաթեթների ներկայացման անհրաժեշտության հանգամանքի շեշտադրմամբ։ Այս համատեքստում ընդգծվել է Հայաստանի և Ղազախստանի ոլորտային գերատեսչությունների, ինչպես նաև երկու երկրների տուրօպերատորների միջև գործընկերության ակտիվացման կարևորությունը։

Որպես փոխադարձ զբոսաշրջության աճը խթանող գործոն՝ առանձնանշվել է Հայաստանի և Ղազախստանի միջև ուղիղ ավիահաղորդակցության մեկնարկը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր