Հայաստանն ու Ղազախստանն ընդլայնում են համագործակցությունը մշակույթի ոլորտում

11 հունիսի, 2026

2026 թվականի հունիսի 11-ին Ղազախստանում Հայաստանի դեսպան Արմեն Ղևոնդյանը, ով աշխատանքային այցելությամբ գտնվում է Ալմաթիում, այցելել է Ղազախստանի Աբիլխան Կաստեևի անվան արվեստի պետական թանգարան։

Թանգարանի ղեկավարության հետ կայացած հանդիպմանը քննարկվել են մշակութային և հումանիտար ոլորտում երկկողմ համագործակցության ընդլայնման հարցեր։ Ուշադրության կենտրոնում է եղել Հայաստանի ազգային պատկերասրահի և Ա․Կաստեևի անվան արվեստի թանգարանի միջև համագործակցության հուշագրի դրույթների իրագործումը։

Այս համատեքստում գործնական հարթության մեջ քննարկվել են համատեղ նախաձեռնությունների իրականացման ծրագրերը՝ հաշվի առնելով նաև հայ վարպետների գեղանկարչության և քանդակի հարուստ հավաքածուն, որը պահվում է ղազախական թանգարանի պահոցներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր