Դեսպան Ղևոնդյանը հանդիպել է Ալմաթիի ղեկավարության հետ

12 հունիսի, 2026

2026 թվականի հունիսի 11-ին Ղազախստանում Հայաստանի դեսպան Արմեն Ղևոնդյանը հանդիպել է Ալմաթիի ակիմ /քաղաքապետ/ Դարհան Սատիբալդիի հետ:

Հանդիպմանը քննարկվել է հարցերի լայն շրջանակ՝ ուղղված Հայաստանի և Ղազախստանի միջև ապակենտրոնացված համագործակցության ընդլայնմանը՝ որպես երկու պետությունների ռազմավարական գործընկերության կարևոր բաղադրիչ:

Ուշադրության կենտրոնում են եղել փոխգործակցության առևտրատնտեսական և մշակութային-հումանիտար ոլորտները, որոնց առաջմղումն էապես կդյուրացվի՝ հաշվի առնելով հաջորդ օրը նախատեսված՝ «FlyOne Armenia» ավիաընկերության կողմից Երևան-Ալմաթի-Երևան ուղիղ չվերթի մեկնարկը: Այս համատեքստում երկուստեք ընդգծվել է նաև Ալմաթիում Հայաստանի Հանրապետության պատվավոր հյուպատոսության դերակատարությունը:

Հանդիպմանը, որի արդյունքներով ձեռք են բերվել մի շարք գործնական պայմանավորվածություններ, այդ թվում՝ արտահանման և ներմուծման գործառնությունների ընդլայնման մասով, մասնակցել է նաև Ալմաթիում Հայաստանի պատվավոր հյուպատոս Հարություն Պողոսյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր