Հայաստանի վարչապետը հեռախոսազրույց է ունեցել Ղազախստանի նախագահի հետ

05 օգոստոսի, 2026

2026թ. օգոստոսի 4-ին տեղի է ունեցել Հայաստանի Հանրապետության վարչապետ Ն.Փաշինյանի և Ղազախստանի Հանրապետության նախագահ Կ.Տոկաևի հեռախոսազրույցը։

Ղազախստանի նախագահը Ն.Փաշինյանին շնորհավորել է ՀՀ վարչապետի պաշտոնում վերանշանակվելու առիթով և հաջողություններ մաղթել՝ ի բարօրություն Հայաստանի և հայ ժողովրդի։

Վարչապետ Ն.Փաշինյանը Նախագահ Կ.Տոկաևին շնորհակալություն է հայտնել շնորհավորանքի, ինչպես նաև Ղազախստանի Հանրապետություն կատարած պաշտոնական այցի ընթացքում իրեն բարձրագույն պետական պարգևով պարգևատրելու համար՝ ընդգծելով Հայաստանի և Ղազախստանի միջև հարաբերությունների հետևողական զարգացման կարևորությունը։

Միաժամանակ, ՀՀ վարչապետը ՂՀ նախագահին հաջողություն է մաղթել օգոստոսի 23-ին կայանալիք Կուրուլթայի ընտրություններում՝ ընդգծելով նրա կողմից իրականացվող ներքին և արտաքին քաղաքականության ռազմավարական նշանակությունն ու հետևողականությունը։

Հայաստանի վարչապետը Ղազախստանի նախագահ Կ.Տոկաևին հրավիրել է այց կատարել Հայաստան։ Ղազախստանի նախագահը ընդունել է հրավերը։

Զրուցակիցները քննարկել են նաև Հայաստանի և Ղազախստանի միջև հարաբերությունների օրակարգին առնչվող մի շարք հարցեր, ինչպես նաև անդրադարձել համագործակցության հետագա զարգացման հեռանկարներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր