Հայաստանյան VEKS ընկերությունը KazBuild 2026 միջազգային ցուցահանդեսում ներկայացրել է իր նորարարությունները

04 սեպտեմբերի, 2026

Հայաստանյան VEKS ընկերությունը, որը մասնագիտացած է բնական տրավերտինի արդյունահանման և մշակման, ինչպես նաև քարե իրերի, հեղինակային կահույքի և դռների արտադրության ոլորտում, մասնակցել է Ալմաթիում (Ղազախստան) կազմակերպված՝ Կենտրոնական Ասիայի խոշորագույն շինարարական և ինտերիերի KazBuild 2026 ցուցահանդեսին:

Տիրապետելով արտադրության փակ շղթային՝ Հայաստանի սեփական հանքավայրում քարի արդյունահանումից մինչև արտադրանքի պատրաստման յուրաքանչյուր փուլում որակի խիստ վերահսկողությանը, VEKS ընկերությունը ցուցադրության շրջանակներում հանդես է եկել առանձին տաղավարով: Սեփական արտադրական կարողությունների և նորարարական տեխնոլոգիաների (ներառյալ՝ ճկուն տրավերտինի) կիրառման շնորհիվ ընկերությունն իրականացնում է ցանկացած բարդության ճարտարապետական և ինտերիերային նախագծեր:

Ընկերության մասնակցությունը ցուցահանդեսին նպատակաուղղված է Ղազախստանի և Կենտրոնական Ասիայի երկրների շուկաներում VEKS-ի ներկայության ընդլայնմանն, ինչպես նաև կառուցապատողների, շինարարական ընկերությունների, ճարտարապետների, դիզայներների և հյուրանոցային օպերատորների (HoReCa) հետ ուղիղ երկխոսության հաստատմանը՝ երկարաժամկետ համագործակցության զարգացման նպատակով:

VEKS-ի հաջողակ ծրագրերի ցանկը ներառում է լայնածավալ նախագծեր, որոնք իրականացվել են Հայաստանում, Ռուսաստանում, Կիպրոսում և այլ երկրներում: Ընկերության առանցքային օբյեկտների և գործընկերների թվում են՝ Armenia Marriott Hotel-ը, The Alexander-ը, Ameria Bank-ը և հաջողությամբ իրականացված այլ նախագծեր:

Ընկերության մասին տեղեկատվությունը հասանելի է veks-group.com հղումով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր