Հայաստանն ու Ղրղզստանը նոր էջ կբացեն երկկողմ հարաբերություններում․ պաշտոնական այցի շրջանակում կայացել է ՀՀ վարչապետ Նիկոլ Փաշինյանի և ՂՀ նախագահ Սադիր ժապարովի հանդիպումը

17 հոկտեմբերի, 2026

2026թ. հոկտեմբերի 16-ին Հայաստանի Հանրապետության վարչապետ Նիկոլ Փաշինյանը հյուրընկալել է պաշտոնական այցով Հայաստան ժամանած Ղրղզստանի Հանրապետության նախագահ Սադիր Ժապարովի գլխավորած պատվիրակությանը։

Նախ տեղի է ունեցել դիմավորման պաշտոնական արարողությունը, որի շրջանակում հնչել են Հայաստանի և Ղրղզստանի պետական օրհներգները, այնուհետև երկու երկրների ղեկավարները ողջունել են պատվիրակությունների անդամներին:

Հաջորդիվ կայացել է ՀՀ վարչապետ Նիկոլ Փաշինյանի և ՂրՀ նախագահ Սադիր ժապարովի նեղ կազմով հանդիպումը, որից հետո երկու երկրների ղեկավարները քննարկումները շարունակել են ընդլայնված կազմերով:

Հանդիպման ընթացքում զրուցակիցները քննարկել են քաղաքական, տնտեսական և հումանիտար ոլորտներում երկկողմ համագործակցության հետագա զարգացման ու ընդլայնմանը վերաբերող հարցերի լայն շրջանակ։ Կարևորվել է առևտրատնտեսական կապերի խորացման ուղղությամբ հետևողական քայլերի իրականացումը։

Մտքեր են փոխանակվել նաև տարածաշրջանային գործընթացների, մասնավորապես, Հայաստանի և Ադրբեջանի միջև հաստատված խաղաղության, հաղորդուղիների ապաշրջափակմանը և կապակցվածության խթանմանը միտված քայլերի շուրջ։

Ավելին՝

https://www.primeminister.am/.../Nikol-Pashinyan.../

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր