Ղազախստանի մայրաքաղաքում բացվել է հայոց լեզվի և մշակույթի անկյուն

30 հոկտեմբերի, 2026

2026թ. հոկտեմբերի 30-ին Լ.Ն.Գումիլյովի անվան Եվրասիական ազգային համալսարանում տեղի է ունեցել Մեսրոպ Մաշտոցի անվան հայոց լեզվի և մշակույթի մշտական անկյան բացման հանդիսավոր արարողությունը։

Ողջույնի խոսքով հանդես են եկել համալսարանի պրոռեկտոր Լյազզաթ Տոլեգենովնան և ՂՀ-ում ՀՀ դեսպան Արմեն Ղևոնդյանը, որոնք ընդգծել են նման նախաձեռնությունների և գիտակրթական համագործակցության հարթակների կարևոր դերակատարությունը հայաոց լեզվի, գրականության և հայ ժողովրդի մշակույթի ուսումնասիրման խթանման, ինչպես նաև Հայաստանի և Ղազախստանի միջև բարեկամության ամրապնդման գործում։

Միջոցառմանը հաջորդել է դեսպան Ա.Ղևոնդյանի դասախոսությունը, որի շրջանակում ներկայացվել են ՀՀ արտաքին քաղաքականության առաջնահերթությունները, Հայաստան-Ղազախստան երկկողմ ռազմավարական գործընկերության հեռանկարներն, ինչպես նաև խաղաղության ամրապնդման և տարածաշրջանային փոխկապակցվածության զարգացման ուղղությամբ Երևանի կողմից ձեռնարկվող ջանքերը։ Դասախոսությունը ավարտվել է հարցուպատասխանի ձևաչափով, որի ընթացքում արծարծվել են միջազգային օրակարգի և դիվանագիտության առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր